میلچک ,ایستی ,سینه ,آیین ,شایین ,آیین شایین ,سویوغونا سوزالان ,ایستی سینه ,پاییزین سویوغونا ,پاییزین سویوغونا سوزالان

آیین شایین 33

میلچک!

محمدعلی ارجمندی – آنا وطن درگیسی – سایی 38 – آبان 1394

منجه، تانری نین یاراتدیغی اَن محبتلی بؤیجوکلردن بیری میلچک دیر، ظالیمین بالاسی یای اولا یوخسا قیش آدام دان اَل چکمز!

گاه آیاغینا قونوب دیشله یه جک گاه قولون اوسته چپیک چالیب جلمان گئده جک، هله بیله سینه اوز وئریب چکیل اویانا دئمه سن اوتانماز ـ اوتانماز گلیب دوداقلاریندان بیر اؤپوجوک ده آلاجاق.

یای یین ایستی سینه قودوروب پاییزین سویوغونا سوزالان میلچک لر سؤزون اصیل معناسیندا ایجشمک سیمگه سی دیرلر! پَح سوخایا قالاسان هئی، الیمده آیین شایین یازاراق دا ماجال وئرمه ییر. سطیرلر آراسی بیر باخ گؤر نئجه قونوب ـ قاووزانیر. دئیه سن طیارا مئیدانی دیر مشق ائدیر!

میلچک دئییب دانیشیدیقدا اونون موختلیف واریانت لاری وار و هر بیری اؤزل معنا داشییر. پاییزین سویوغونا سوزالان گیرده ـ گومبور قوجا میلچک لر یالتاق دا یالواران بعضی خوش دانیشیق کت شالوارلی ادیبلرین نومنه سی اولسا بئله، یای یین ایستی سینه قودوران جیغاز میلچک لر، آذری آدلی اورتاق سیته لرده ویزیلدایان یئنی یئتمه لردیر.

واختی ایله هر سحر ایشیق ساچان ایستی گونش آرزی سی ایله قاناد چالان میلچک لر گون باتینجا پیلته چیراغین دؤورونه ییغیشیب اونو ـ بونو مضمون ائتدیکده چیسلداییب یانیرلار ...

منبع اصلی مطلب : ... آیین شایین ... ayinshayin ...
برچسب ها : میلچک ,ایستی ,سینه ,آیین ,شایین ,آیین شایین ,سویوغونا سوزالان ,ایستی سینه ,پاییزین سویوغونا ,پاییزین سویوغونا سوزالان
اشتراک گذاری: این صفحه را به اشتراک بگذارید

آینا گروه : آیین شایین 33 ـ میلچک!